“Eco-Higjiena” fillon aksionin kundër borxhlinjve edhe me rrugë gjyqësore

Gjilan – Bajram Isufi kryeshef ekzekutiv tha se “Eco – Higjiena” ka filluar t`i dërgoj tek përmbaruesit privat, lëndët kundër qytetarëve dhe bizneseve në Komunën e Gjilanit, të cilët nuk i kanë përmbushur detyrimet (pagesat) ndaj saj, lidhur me mbledhjen dhe transportin e mbeturinave.

Për fillimin e procedurës së ekzekutimit përmes përmbaruesve privat, ndaj qytetarëve dhe bizneseve, të cilët nuk i kanë kryer pagesat ndaj “Eco – Higjiena”, raporton rajonipress.

“Eco – Higjiena” ka filluar t`i dërgoj tek përmbaruesit privat, lëndët kundër qytetarëve dhe bizneseve në Komunën e Gjilanit, të cilët nuk i kanë përmbushur detyrimet (pagesat) ndaj saj, lidhur me mbledhjen dhe transportin e mbeturinave.

Bajram Isufi drejtor ekzekutiv tha për rajonipress me keqardhje duhet të njoftojë klientët se përveç lëndëve që janë dërguar në Gjykatë për disa borgjlinjëve të mëdhenj, javën e kaluar tek përmbaruesit privat kemi dorëzuar rreth njëqind propozime për përmbarim.

“Përmes këtij njoftimi, edhe njëherë ju bëjmë thirrje qytetarëve dhe bizneseve në Komunën e Gjilanit, të cilët kanë borxhe ndaj kompanisë “Eco–Higjiena”, t`i paguajnë borxhet, ose të nënshkruajnë marrëveshjet për riprogramimin e borxheve që sa më parë të jetë e mundur në të kundërtën do të ballafaqohem me institucionet juridike të cilat pastaj do t`i ngarkojmë edhe me obligime të tjera si: kamatat, taksat gjyqësore, shpenzimet e përmbaruesit si dhe shpenzimet tjera procedurale”.

Isufi shpreson që ky njoftim i tyre të gjejë mirëkuptim tek klientët sepse vetëm në këtë formë kompania mund të ngritë kualitetin e shërbimeve dhe mund të jetë partner i përhershëm me klientin./rajonipress/