E vërteta që nuk negociohet

Po bëhen 27 vite nga një prej ngjarjeve më të rënda në historinë e Tërnocit me rrethinë. 23 dhe 24 prilli 1999 nuk janë vetëm kujtim, janë akuzë ndaj harresës dhe manipulimit të qëllimshëm të historisë.

Në atë kohë nuk kishte spektakël. Nuk kishte kamera. Nuk kishte heroizma të fabrikuara. Kishte vetëm rrezik real dhe vendime për jetë a vdekje.

Kam qenë në ballë të organizimit, në mesin e popullit, si vullnetar. Fjala ime atëherë nuk ishte koment, ishte vendim dhe përgjegjësi për jetë njerëzish.
Unë jam gjallë.

Dhe përderisa jam gjallë, nuk do të lejoj që e vërteta të shtrembërohet.

Sfidoj ata që sot manipulojnë brenda nesh, por edhe ata jashtë nesh që ndërtojnë standarde të dyfishta mbi drejtësinë.

Sepse historia nuk shkruhet nga ata që flasin më shumë, por nga ata që kanë qëndruar kur të tjerët heshtnin.

23 dhe 24 prilli 1999 nuk janë për propagandë.
Janë amanet.
Nga Nexhmedin Saqipi