“E vërteta për mua është ajo që është në librat e mi”, çfarë thoshte Qosja për ata që e kritikonin

Akademiku Rexhep Qosja vdiq sot në moshën 90-vjeçare, njoftoi familja e tij.

Vepra e tij u nderua sot nga krerë shteti e personalitete të botës akademike.

Por në të gjallë, Qosja kishte edhe shumë kritikues, për të cilët kishte folur në një intervistë te gazetarja shqiptare Rudina Xhunga.

Qosja thoshte se e vërteta për të gjendet në librat e tij dhe jo te ajo që thoshin për të.

“Pavarësisht prej atyre që shkruhen për mua apo që thuhen për mua, unë mund të them me bindje të plotë se Rexhep Qosja është ai që është në veprat e tij. E vërteta për mua nuk është ajo që e thonë ata që shkruajnë për mua, nuk është ajo që e thonë gazetarët apo publicistët apo edhe studiues, e vërteta është ajo që është në librat e mi”.