E sulmon fizikisht babain, përfundon në burg

Gjilan – Në rrugën “Perandori Justinjan” në Gjilan është ndaluar i dyshuari M.A. i lindur më 1986 , djali i viktimës i cili e ka sulmuar fizikisht babain e tij A.A. i lindur 1950 njoftoj policia e Gjilanit.

Sipas Ismet Hashanit zëdhënës i policisë i dyshuari së pari e kishte rrahur brenda në shtëpi, e më pas edhe në oborr, ku e kishte rrëzuar duke e goditur në trup dhe në kokë, me ç’rast i shkakton lëndime trupore e më pastaj largohet nga shtëpia.

Policia ka arritur ta ndaloj të dyshuarin të cilin e ka shoqëruar në Stacionin Policor, ku e ka intervistuar në prezencë të avokatit, raporton rajonipress.

Ndaj tij është ngritur kallëzim penal për “Lëndim Trupor”. Me urdhër të Prokurorit, i dyshuari M.A. është ndalur për 48 orë në qendrën e Mbajtjes në Gjilan./rajonipress/