E detyrojnë të ecë në këmbë nën kërcënimin e armës

Gjilan – Viktima Shqiptar shtetas i Kosovës me banim në Gjilan ka raportuar policin me datën 9 gusht se është detyruar që nën kërcënimin e armës të ec në këmbë në një vend të errtë dhe t`i bindet dy të dyshuarve nën kërcënim të armës.

Njësitet e hetimeve nga stacioni policor i Gjilanit gjatë patrullimit në rrugën “Vëllezërit Frashri” në Gjilan kanë ndalur të dyshuarin i cili besohet se në ditën kritike në bashkëveprim edhe me një tjetër të dyshimtë kanë kryer veprën penale “Detyrim” duke marrë nga viktima një telefon mobil dhe një sasi të hollash.

Ismet Hashani zëdhënës i policisë tha se i dyshuari është sjell në stacionin policor në Gjilan dhe me vendim të prokurorit të Qarkut në mënyrë që mos të ndikoj te dëshmitarët apo të shkatërrojë dëshmitë ndaj të dyshuarit i caktohet masa e ndalimit për 48 orë.
Në kërkim të policisë është edhe i dyshuari tjetër i njohur për policinë. /rajonipress/