Dyshohet për vetëvrasje në Novobërdë, një person gjendet pa shenja jete

Novobërdë – Një person është gjetur pa shenja jete në fshatin Parallovë të Novobërdës, në një rast që dyshohet të jetë vetëvrasje. Sipas raportimit të familjarëve, viktima mashkull është gjetur nga vëllai i tij, ndërsa dyshohet se ka përdorur armë zjarri.

Vdekja është konstatuar nga mjeku kujdestar, ndërsa në vendin e ngjarjes kanë dalë njësitë policore dhe prokurori i shtetit. Gjatë ekzaminimit janë sekuestruar një revole me gjashtë fishekë dhe një gëzhojë.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, ndërsa rasti po hetohet njoftoi policia e Kosovës./rajonipress/