Disa dyshime se gruaja po mbante një lidhje paralele kanë ndikuar që një kosovar në Zvicër në mes të natës ta merr atë dhe ta dërgojë të babai i saj, mirëpo gjatë rrugës kanë ndodhur të papritura tjera.
Rasti i përket muajit qershor. Atë mbrëmje pati një grindje mes partnerëve. Burri dyshonte se gruaja kishte një lidhje.
Kur ai zbuloi mesazhet në telefonin e saj u tmerrua.
Sipas raportimit të mediave zvicerane, pasi ai ushtroi dhunë fizike ndaj gruas e kërcënoi atë se do t’i hedh acid për t’ia shpërfytyruar fytyrën,
Ideja se dikush tjetër mund ta “kishte prekur” gruan e tij e xhindosi kosovarin. Prandaj, ai vendosi në mes të natës ‘ta kthente’ te babai i saj.
Gjatë udhëtimit për në Cham (kantoni Zug), përsëri bashkëshortët u grindën. Kur gruaja donte të largohej nga makina, kosovari e qëlloi përsëri me shpullë në fytyrë.
Pavarësisht kësaj, ajo arriti të arratisej dhe arriti të merrte ndihmë.
Sipas legjislacionit zviceran (por edhe atij kosovar) dhuna në çift është e ndaluar dhe ajo konsiderohet vepër penale.
Megjithatë nëse pala e dëmtuar vendos të mos bëjë ndjekje penale, procedura pezullohet. Kjo ndodhi edhe në rastin e këtij qifti.
Gruaja nuk shprehu interesim për të bërë procedim penal për shkak të presionit të familjarëve, derisa më vonë ajo arriti të shkëputej nga bashkëshorti dhe vendosi ta ndjek atë penalisht.
Policia e Zug-ut u vu në lëvizje derisa prokuroria filloi procedimet.
Kosovari mori dënime të shumta në të holla dhe paralajmërime për dënime më të ashpra nëse vazhdon të kërcënon ish-gruan./Telegrafi/
