Dy shtetas të huaj ndalohen në Stançiq të Gjilanit për kalim ilegal të kufirit

Gjilan – Dy persona janë ndaluar nga autoritetet policore më 29 prill 2026 rreth orës 18:30 në fshatin Stançiq të Gjilanit, nën dyshimin për kalim të paautorizuar të vijës kufitare.

Sipas raportit zyrtar, bëhet fjalë për dy shtetas të Pakistanit, të cilët dyshohet se kanë hyrë ilegalisht në territorin e Republikës së Kosovës nga Maqedonia e Veriut.

Pas ndalimit, të dyshuarit janë intervistuar nga organet kompetente dhe më pas janë liruar në procedurë të rregullt. Rasti është duke u trajtuar nga institucionet përkatëse, në përputhje me procedurat ligjore në fuqi./rajonipress/