Dy gola nga Zeneli

Mesfushori nga Vushtrria i HJK Helsinkit shënoi dy herë në fitoren e thellë të ekipit te Jyvaskyla me rezultatin 5:0. Erfan Zeneli sërish është shfaqur lojtar i rëndësishëm për ekipin kampion të Finlandës në futboll, HJK Helsinki.

Mesfushori ofenziv vushtrrias shënoi dy gola në fitoren e ekipit të tij te skuadra e Jyvaskyla me rezultatin 5:0.

Zeneli realizoi golat në minutat 23 dhe 61. 26 vjeçari ka realizuar gjithsej 11 gola këtë kampionat për Helsinkin, i cili për herë të pestë radhazi shpallet kampion i Finlandës dhe në gjithë këtë sukses ka kontribuar edhe Zeneli.

Paraqitjet e mira te Helsinki, kanë afruar në ndeshjet e fundit vushtrriasin edhe në kombëtaren e Finlandës, ndërsa ka shumë mundësi që ai në janar të luaj në ndonjë kampionat tjetër. /Sporti1/Telegrafi/