Dy foto ngrenë dyshime për ndërhyrje në trotuarin publik në Gjilan

Gjilan – Dy fotografi të dërguara nga qytetarët në redaksinë tonë kanë ngritur shqetësime lidhur me një ndërhyrje të mundshme në hapësirën publike, konkretisht në një segment të trotuarit në qytet.

Sipas qytetarëve dhe kalimtarëve të rastit, ekziston dyshimi se kompania “Palma” në Gjilan ka ndërhyrë në një zonë që konsiderohet pronë publike dhe komunale. Ata kanë kërkuar nga organet kompetente, përkatësisht inspektorati komunal, që të dalin në terren dhe të verifikojnë nëse kjo ndërhyrje është në përputhje me ligjin dhe rregullat urbanistike.

Megjithatë, mbetet në përgjegjësinë e inspektoratit komunal që të konstatojë gjendjen faktike dhe të vlerësojë nëse kemi të bëjmë me cenim të hapësirës publike apo me një ndërhyrje të lejuar sipas procedurave përkatëse./rajonipress/