Isa Mustafa, kryetari i partisë më të madhe opozitare, kishte thënë se SHIK-un duhet ta hetojë prokuroria e jo kuvendi.Por këtij mendimi nuk i janë bashkangjitur dy deputet të kësaj partie.
Dy deputet të Lidhjes Demokratike të Kosovës, i janë bashkuar iniciativës së Lëvizjes Vetëvendosje, për krijimin e një komisioni parlamentar për Hetimin e Shërbimit Informativ të Kosovës.
Firma e Sali Asllanajt radhitet e shtata në listën e Florin Krasniqit për krijimin e këtij komisioni.
Afër firmës së Asllanajt, gjendet edhe ajo e kolegut të tij partiak, Lutfi Hazirit. Të dy i janë bashkuar iniciativës së deputetit të “Vetëvendosjes”, Florin Krasniqi, i cili ka mbledhur 27 sosh.
“Po, e kam nënshkruar. Unë mendoj se ka nevojë të hetohet SHIK-u dhe të qartësohen gjërat”, ka thënë Asllanaj të hënën për “Kohën Ditore”. “Nëse janë për falënderime t’i falënderojmë, nëse janë për vërejtje t’u bëjmë vërejtje ose të vërtetohen. Ka persona që arsyetohen dhe thonë se kemi ba punë të mira. Nëse janë punë të mira hajde t’u japim mirënjohje.
