Dukagjini ia “shuan” shpresat Gjilanit, për titull të kampionit

Në javën e 30-të, të Superligës së Kosovës në futboll, në fushën ‘18 Qershori’ në Klinë Dukagjini ka arritë të shënon fitore tejet të madhe në ballafaqim me Gjilanin me rezultat 2-0.

Me këtë fitore Dukagjini ka shtuar gjasat shumë të mëdha që ti ikë zonës së barazhit , ndërsa kjo humbje për Gjilanin është përshëndetje nga titulli.

Me fitoren eventuale, Gjilani do të mbetej edhe më tutje përcjellësi i parë i skuadrës së Ballkanit, por me lojën e treguar nuk kanë merituar më shumë se një humbje të tillë. Gjilanasit qysh në minutën e 4-të, nuk e shfrytëzojnë rastin ideal për ta mposhtur portierin, Altik Muhaxhirin – Albert Dabiqaj me kokë gjuan por godet shtyllën pingule të vendësve.

Kapiteni Altin Merlaku, gjithçka vendos për tre minuta, së pari Ergyn Ahmeti e shërben bukur e Merlaku nga afërsia e mposht Koliqin, 1-0.

Tre minuta më vonë Altin Merlaku nga pozita ballore nga 16 metra me goditje të fuqishme e le të shtangur portierin Enea Koliqin, 2-0.

Në minutën e 84-të, Krasniqi gjuan bukur por godet pingulen e Altik Muhaxhirit.

Me këtë humbje, Gjilani gjendet në pozitën e dytë me 55 pikë, aq sa ka edhe rivali lokal Drita, ndërsa lideri Ballkani ka tubuar 64 pikë. Në javën e 31-të, Gjilani është mikpritës i Prishtinës./rajonipress/