Dua të bëhem

Poezi nga Demush Mehmeti

Sonte kur muzgu i natës ka mbështjell gjithçka
as hëna nuk ndriçon
më mbështjell vetmia e sikletshme
mbushem vrer.

Do e mbush një kupë vere, të kuqe si gjaku
ashtu siç s’e mbusha kurrë
siç na është mbushur kjo kupë jete
ta pi më fund.

Dua ta mbush kupën plot, dhe krejt pa hile
ta provoj më u dehë
e të vazhdoj me besimin tim
jeta më hilen e vet.

Po u deha, ju lutem, më lini krejt kështu, të qetë
e trullosem mirë e mirë
dua t’i njoh thellësitë e vetes sime
siç janë vërtet.

I dehur të vallëzoj me ëndrrat e mia
në qeliat e shpirtit tim valëzon aromë e saj
ju, të lajthiturit e moteve
të më njihni më mirë.