Drithërimat e shpirtit të derdhura në vargje

(Bilall Maliqi,” Ejani të vallëzojmë” shb “Lena” Prishtinë, 2022, fq. 90).

Bilall Maliqi është një poet i veçantë qe i ka dhuruar shumë letërsisë për fëmijë. Me poetin e respektuar jam njohur prej kohesh në takimet letrare, ani pse kufijtë e hekurt
nuk mund ta ndalonin vargun lirik. Vargjet e këtij krijuesi i kanë dhënë jehon sallës ku lexonte poezitë të mrekullueshme për më të vegjlit.

Poeti i mirënjohur për lexuesit nxori nga botimi veprën e tij të tridhjetë e shtatë “ Ejani të Vallëzojmë”. Duke lexuar këtë përmbledhje me poezi të mrekullueshme që fëmijëve u
flinin në shpirt, poezia: “ Pyet Mali”që ka mesazhe kërkuese për aromën e lirisë që i mungon Kosovës Lindore.
Pyet mali
A vizatohet lira?
Ku është fshehur
S’i shihet bukuria

Deshtëm apo s’deshtëm ndjejmë një drithërimë të shpirtit që poeti ka derdhur në vargjet e shkrira në rimë. Profili i poetit është i tejdukshëm dhe ka një shpirt lirik.

Autori ka ndërtuar një libër poetik modern, harmonishëm me strukturën re dhe brendinë e pasur poetiko – estetike dhe etiko – morale, sa kombëtare aq universale për kohën.
Në mes tjerash kemi poezinë “Gjyshi im” ai nuk e harron njeriun më të dashur për fëmijë dhe atë “ Macja lazdrake”,“Rosaku trim”, “Rrezet e diellit”, “Është nëna” etj..
Poezia “Luginë e Përlotur” që në vargun e saj, prek shpirtin dhe ndjenjën kombëtare të çdo shqiptari dhe është një plagë që ende kullon gjak e dhimbje në këto treva. Andaj
më të drejt poeti, Maliqi shfaqë shqetësimin para fëmijëve, këtë e bënë përmes vargut të poezisë me mjaftë mjeshtri.

Sa shumë kemi dëshirë
Të gjithë të jemi të lirë
Luginë e ndarë me kufi
E përlotur në vetmi

Duke lexuar vëllimin poetik të ndarë në katër cikle “Ejani të vallëzojmë” me vëmendje dhe kënaqësi, herë-herë autori më sjell vegime drithëruese nga Azem Shkreli, Federik
Reshpaj apo Fatos Arapi.
Patriotizmi nuk është një imp
onim por një detyrë
burrërore e një poeti të kalibrit siç është Bilall Maliqi.
Dhe më tej, shpërthen zëri i poetit për deshifrimin e plagëve të pa shëruara të atdheut, kur dhuna shtrihej çdo ditë mbi atdheun e vjedhur nga kuqaloshët shpirtzinjtë.
Poeti Bilall Maliqi, sjellë ne letërsinë shqipe një kontribut jo vetëm për nga masa por nga niveli artistik për lexues e vegjël. Mesazhe qytetare e humaniste, kombëtar, që përcjellë,
përmes vargjeve shpreh padrejtësitë që ju bëhen populli të
Luginës, poeti në këtë përmbledhje i shkrin në vargje.

Dr. Sc. Izet Hoti