Dritës i takon derbi i qytetit

Drita ka triumfuar në derbin e qytetit duke e mposhtur Gjilanin me rezultat 2-0, ndeshje e vlefshme për xhiron e 7-të në Superligën e Kosovës në futboll.

Derbi gjilanas i zhvilluar në stadiumin “Sami Kelmendi” në Lipjan, filloi më një kerografi të tifozëve ‘Intelektualëve’, dedikuar ngjarjeve të fundit në shtetin e Kosovës.

Pjesa e parë ishte e baraspeshuar me shumë ndërprerje, kur pritej që skuadrat të shkonin në pushim pa gola, ‘bardh e kaltërtit’ e Dritës arritën të kalojnë në epërsi.

Në minutën e 44-të, pas një dueli të fituar me kokë nga Besnik Krasniqi, më së miri në zone gjendet Almir Ajzeraj duke shënuar për 1:0.

Pjesa e dytë, nuk ofroi shumë raste shënimi, pas kryesisht aksionet përfundonin në gjysmë të fushës. Në minutën e 88-të, Drita arrinë të dyfishoj epërsi, dhe për të vulosur derbin e qytetit.

Pas një topi të dërguar në zonë nga Prapashtica, Ardit Tahiri nga afërsia nuk e pati të vështirë të shënoj për 2:0.
Me këtë fitore Drita mbetet në pozitën e tretë me 15 pikë, ndërsa Gjilani zë pozitën e 7-të me 7 pikë.
Në javën e ardhshme, Drita do të jetë mysafire e Malishevës, kurse Gjilani do ta pret Dukagjinin./rajonipress/