Drita tërhiqet nga garat

ETC Superliga ka marr një lajm të keq. Skuadra e Dritës ka vendosur të tërhiqet nga garat e elitës së basketbollit kosovarë. Ekipi gjilanas këtë vendim e ka marrë shkaku i krizës financiare.

“Kemi vendosur të tërhiqemi nga garat, pasi nuk kemi mundur ta gjejmë mbështetje financiare. Na vjen keç për këtë vendim që kemi marrë, por kështu nuk mundemi më”, ka deklaruar për Express, drejtori i Dritës, Fazli Fazliu.

Por, Fazliu nuk e ka përjashtuar mundësinë që t’i rikthehen garave nëse ndonjë sponsor vendos ta përkrah financiarisht klubin gjilanas.

Drita e ka nisur shumë mirë sezonin e ri në ETC Superligë. Nga pesë ndeshje të këtij sezoni, klubi gjilanas ka fituar katër përballje, derisa ka humbur vetëm një takim.

Ata gjenden në vendin e tretë me nëntë pikë të tubuar sa ka edhe Peja që gjendet në vendin e dytë.