Drita nuk ndalet, shënon fitoren e katërt rresht
Drita e ka shënuar fitore si mysafire kundër Malishevës me rezultat 3:1, duke e arritur fitoren e katërt rresht në elitën e futbollit të Kosovës.
Intelektualet arritën të kalojnë në epërsi në minutën e 41-të. Kapiteni i Malishevës, Dreni Kryeziu, shënoi autogol pas harkimit të Blend Baftiut.
Drita arriti të dyfishoj epërsinë në minutën e tretë të shtesës në pjesën e parë, Besnik Krasniqi e dyfishoi rezultatin për Dritën.
Malisheva e ngushtoi epërsinë ndaj Dritës në pjesën e dytë. Për skuadrën e Malishevës në minutën e 58-të realizoi Elom Nyavedji.
Drita rezultatin përfundimtar të takimit e arriti në minutën e 100-të më golin e shënuar nga Muharrem Jashari.
Drita në tetë ndeshje ka 18 pikë, ndërsa ndeshjen e ardhshme e zhvillon në udhëtim ndaj Llapit.