Drita nis kampionatin me fitore kundër Hysit

Gjilan – Shënues: Përparim Osmani ’42, Ramushi ’45 – Labinot Osmani ‘3

Ende pa u ulur në tribuna shikuesit, mysafirët shënojnë gol përmes sulmuesit Osmani, që bukur më herët ishte shërbyer nga Hajdari, që nuk e kishte të vështirë të shënoj nga afërsia.

Mysafirët kishin rast të mirë për shënim në minutën 37, kur Osmani i ik një pozicioni jashtë loje, duke dal i vetmuar para portierit Latifi, por për fat të këtij të fundit topi i goditur nga sulmuesi mysafir dëbohet jashtë vijës fundore nga këmba e Latifit.

Minuta e 42 dhe 45 ishte fatale për mysafirët pasi nga dy kundërsulme pësojnë dy gola. Së pari Syla kalon tërë mbrojtjen e mysafirëve, gjuan në drejtim të portës, portieri mysafir arrin vetëm për shkurtazi ta dëboj topin deri te Përparim Osmani, që nga afërsia shënon gol.

Kur kishte kaluar koha shtesë e ndeshjes, Ramushi pranon top brenda rreptësisë, godet me të paren pa pritur dhe godet këndin e epërm të portierit Ademi.
Gjysmëloja e dytë kalon më shumë në pronësi të topin nga ana e mysafirëve, që mundohen të shënojnë, por as vendasit nuk ishin inferior duke tentuar të shënojnë nga kundërzbritjet.

Megjithatë në minutën e 68, vendasit dëmtohen nga gjyqtari Kelmendi për një penallti, pasi Abazi ndalet nga një mbrojtës vendas tashmë kur ishte i vetmuar para portierit Ademi.

Në kohën shtesë mysafirët dy herë kanë rrezikuar seriozisht vendasit dhe vetëm fati i ka shpëtuar futbollistët e Dritës. Së pari Osmani nga 3-4 metra gjuan mbi portë, ndërsa në aksionin e radhës edhe Hajdari nga afërsia me kokë gjuan pranë portës.

Thanë pas ndeshjes:

Arbnor Morina (Drita): “ Siç e kishim paramenduar se do të ishte një lojë e vështir edhe ashtu doli. Pranuam gol shumë herët dhe minutat e para dhe assesi nuk arritëm të këndellemi. Në përfundim të pjesës së parë shënuam dy gola të shpejtë që doli të jetë edhe rezultati përfundimtar. Uroj futbollistët e mi për angazhim”.

Hysni Maxhuni (Hysi) “ Ishte ndeshje korrekte nga dy palët. Nuk arritëm të shënojmë në pjesën e parë nga rastet ideale që patëm dhe kjo na u hakmor në fund. Vendasve iu uroj fitoren”

Drita – Hysi 2:1 (0:0)
Stadiumi i qytetit në Gjilan. Shikues: 700. Gjyqtarë:Idriz Kelmendi, Safet Berisha, Nazim Ibrahimi Shënues: Kartoni i verdhë: Xh. Shabani, Syla – Binishi, Emini

Drita: Latifi, Osmani,)Abazi), Xhika, Caka, Syla, Rama, B. Shabani,(Aliu), Sermaxhaj, Morina, Xh. Shabani, Ramushi (Bejtullahu).

Hysi: Ademi, Qitaku, Jashanica, Kadriu, Binishi (Neziri), Zeqiri, Zeneli (Zyllfallari), Emini, Zhdrella (Idrizi), Hajdari, Osmani./rajonipress/