Eko Higjiena

Drita me lojë të dobët mposht Feronikelin’74

/ 1 minutë lexim
Uji Dea

Në duelin e zhvilluar në stadiumin “Rexhep Rexhepi” në Drenas, skuadra e Dritës ka shënuar fitore me rezultat 0:2 në udhëtim tek Feronikeli’74. në kuadër të xhiros së shtatë në elitën e futbollit të Kosovës.

Edhe pse skuadra nga Drenasi, Feronikeli’74 kishte rastet më të mira për shënim, ‘bardhekaltërit’ e Dritës arritën të kalojnë në epërsi në pjesën e parë. Rezultati u zhblloku në minutën e 33-të.

Sulmuesi Blerim Krasniqi shënoi me kokë pas harkimit të Astrit Thaqit nga krahu i majtë. Vendësit kishin mundësi të barazojnë rezultatin në pjesën e dytë, Rast të artë për ta barazuar rezultatin në 1:1 pati Robert Rrahmani, por ky i fundit dështoj nga pika e bardhë, te cilën e priti portieri, Florjan Smakiqi.

Uji Dea

“Intelektualet” arritën ta dyfishojnë epërsinë në minutën e 77-të. Besnik Krasniqi shënoi nga penaltia për rezultatin përfundimtar 0:2.

Me këtë fitore Drita mbetet në pozitën e tretë me 12 pikë të tubuara, ndërsa në fundjavë do të zhvillojë derbin kundër Gjilanit./rajonipress/