Drita luan baras me “Ramiz Sadikun”, prek finalen me Llapin
Në ndeshjen e kthimit për Kupën e Kosovës Drita ka barazuar me R, Sadikun në Prishtinë me rezultat 2-2 ndërsa në ndeshjen e parë në Gjilan e kishte mposhtur me rezultat 3-0.
Futbollistët e Dritës u angazhuan në këtë përballje e cila ishte më tepër formale
sa për ta kryer një obligim të ndeshjes megjithatë vendasit treguan lojë të mirë duke udhëhequr gjerë në minutën e 86 me rezultat 2-0.
Vendasit kalojnë në epërsi me 1-0 në minutën e 51 Armend Misini nga pika e bardhë mposht portierin Rexhepin.
Në minutën e 66 pas një kundërsulmi të shpejtë Granit Musa shënon gol të bukur për 2-0.
Futbollistët e Dritës krejt në fund të ndeshjes arritën të barazojnë duke shënuar dy gola për 5 minuta.
Në minutën e 86 Ardit Tahiri arrin të ngushton rezultatin në 2-1 ndërsa pesë minuta më vonë Almir Kryeziu barazon në 2-2.
Trajneri i Dritës Ardian Nuhiu pas 90 minutave të kësaj ndeshje ka deklaruar:
“Futbolli është kështu. Në momentin që e neglizhon, mund të ndëshkohesh. Kishim rezultat pozitiv dhe kishim lojtarë me kartonë. Ata nuk i rrezikuam pasi dëshiruam t’i kishim në finale. Gjithçka u stabilizua në momentin që u futën të gjithë dhe patëm kontrollë. Shkoi mirë, ndërsa i uroj lojtarët e mi për këtë finale. Por, ne e kemi edhe një ndeshje për ta arritur qëllimin”, ka thënë pas ndeshjes trajneri Ardian Nuhiu.
Drita në finale ballafaqohet me Llapin në finale pasi kjo e fundit e ka mposhtur Prishtinën me rezultat 2-0 ndërsa në ndeshjen e parë Prishtina kishte ngadhënjyer me rezultat 2-1./rajonipress/