Drita konfirmon Arbnor Morinën

Ashtu siç pritej, Drita konfirmoi Arbnor Morinën në postin e shtabit teknik. Në fakt, trajneri prishtinas u rikthye në skuadrën gjilanas pas katër muajsh largimi.

Lajmi bëhet i ditur nga drejtori i Dritës, Ramdan Bunjaku. “Pas ndeshjes me Fushë Kosovën, kemi arritur marrëveshjen me Arbnor Morinën. Me të kemi pasur sukses në kampionatin e kaluar dhe është trajner i dëshmuar.

Marrëveshja vlen deri në fund të kampionatit me mundësi vazhdimi”, tha Bunjaku për Arenën. Menjëherë pas fitores 5:1 ndaj Fushë Kosovës, Morina është prezantuar para lojtarëve, shumicën prej të cilëve i kishte edhe në edicionin e kaluar.

Së fundi, Morina ishte trajner te Feronikeli, ku dha dorëheqje pas javës së 10./tribuna/