Drita barazon në ndeshjen e parë kundër Plzen

Skuadra e Dritës, ka barazuar pa gola në ndeshjen e parë kundër Viktoria Plzen, në kuadër të raundit të dytë kualifikues të Ligës së Konferencës.

Drita rastin më të mirë në takim e pati në minutat e fundit, kur Muharrem Jashari bëri një punë të shkëlqyer individuale, ku pasoi për Albert Dabiqaj, që i vetëm përballë me portierin dështoi të shënonte, për ta çuar në epërsi skuadrën e tij.

Përkundër dominimit të Plzen, Drita arriti të marrë një rezultat pozitiv në udhëtim dhe tani gjithçka do të varet nga ndeshja e kthimit që zhvillohet në Fadil Vokrri më 3 gusht me fillim nga ora 20:00./rajonipress/