Drejtorit të spitalit një muaj arrest shtëpiak

Gjilan – Gjykatësi Naser Maliqi i ka caktuar masën e arrestit shtëpiak prej një muaji Xhavit Hajdarit drejtor i spitalit në Gjilan.

Gjykatësi i procedurës paraprake në Gjykatën Komunale në Gjilan i ka caktuar masën e arrestit shtëpiak prej një muaji Xhavit Hajdarit drejtor i spitalit në Gjilan. Lajmin e ka konfirmuar për rajonipress avokati mbrojtës Abdylaziz Sadiku.

Gjykatësi Naser Maliqi merret ekskluzivisht me rastet e ryshfetit dhe kjo ka ndikuar që Hajdari të ndiqet fillimisht vetëm për mito dhe më vonë edhe për rastet tjera të dyshuara dhe të ngritura nga njësiti i krimeve të rënda.

Xhavit Hajdari, drejtor i Spitalit Rajonal të Gjilanit,ishte arrestuar këtë të enjte nga policia e krimeve ekonomike nën dyshimin se ka kryer vepra penale korruptive dhe ka keqpërdorur pozitën e tij zyrtare, duke shkaktuar dëme të mëdha spitalit që e ka menaxhuar.

Periudha e menaxhimit të tij si drejtor, është manifestuar me shpërdorime të shumta është thënë në kallëzimin penal të policisë. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).