Dramë në pesë sete

Gjilan – Drita – Universiteti AAB 2:3 (23:25, 22:25, 25:19, 25:23, 14:16).

Kryendeshja në volejboll ndërmjet Dritës nga Gjilani dhe Universitetit AAB nga Prishtina, ka përfunduar me fitore të mysafireve, por që me pak fat për vendaset ka mundur të jetë krejt ndryshe. Në fund prishtinaset kanë ngadhënjyer me rezultat të ngushtë 2:3.

Kanë qenë mysafiret ato që kanë ngadhënjyer me rezultat të ngushtë në dy stetet e para, kurse seti i tretë dhe i katërt u ka takuar lojtareve vendase.

Në setin e pestë është zhvilluar një dramë e vërtetë e ku vendosi papërvoja e lojtareve të reja të Dritës, të cilat nuk u gjetën si duhet në fund të ndeshjes.

Ndër vendase janë dalluar të gjitha lojtaret e reja, por edhe shqiptaret Prenga e Tuci, derisa mysafiret pos shqiptares Blloku, në radhët e veta patën edhe dy bullgare me përvojë Gocheva dhe Mishonova. /rajonipress/