Dorëzohet komuna, parku mirëmbahet nga qytetarët

Gjilan – Ka një javë që parku i qytetit po mirëmbahet nga Shaban Terziu me lejen e kryetarit të Komunës. Terziu tha se parku është i qytetareve dhe nuk do të lejojmë që të shkatërrohet e degradohet edhe pse jam shumë i zhgënjyer me shërbimet publike komunale.

Dikur parku i qytetit luante rolin e një oazeje të qetësisë dhe pikëtakimit. Të enjten në mëngjes pothuajse nuk kishte njeri ulur apo duke luajtur shah siç ndodhë zakonisht.

Parku i qytetit po kundërmon për shkak të papastërtisë. Duke e parë këtë situatë emergjente Lutfi Haziri ka kërkuar publikisht ndihmën e qytetarëve.

Ishte Shaban Terziu i pari që mori përsipër ujitjen e barit për ta shpëtuar nga shkatërrimi ekstrem parkun.

“Me lejen e kryetarit Lutfi Haziri jam duke e ujitur parkun dhe nuk do ta lejojmë që të degradohet tutje. Ky park ka vlera të shumta për banorët dhe qytetarët. Jam i zhgënjyer me shërbimet publike komunale të cilat nuk kanë treguar as minimumin e interesimit për parkun” tha Terziu.

Terziu tha se megjithatë ai nuk mund ta marrë përsipër edhe mirëmbajtjen e pastrimit. “Shpezët po frekuentojnë në park tërë kohën dhe pastaj po krijohet një kundërmim shumë i rëndë. Kjo ka ndikuar që shumë të moshuar, por edhe ata që e duan shahun e kanë lozur tërë kohën, të ikin nga parku” sqaroj Terziu./rajonipress/