Dorëhiqet kryesia e Dritës

Incidenti i shkaktuar nga tifozët gjilanas të dielën në ndeshjen që u ndërpre ndaj Hajvalisë, ka bërë që kryesia e klubit të Dritës të ofrojë dorëheqje. Në ndeshjen e djeshme, ‘Intelektualët’ e shprehën hapur pakënaqësinë e tyre për punën që e ka bërë kryesia e deritashme.

Kryesia e Dritës ka dhënë dorëheqje, pas incidentit që ndodhi sot në stadiumin e qytetit, ku u ndëpre ndeshja me Hajvalinë, pasi në fushë hynë 2-3 tifoz gjilanas, me ç’rast gjyqtari e ndërpreu ndeshjen.

“Pas kësaj ngjarje, ne si kryesi kemi dhënë dorëheqje nga klubi. Për këtë vendim i kemi njoftuar edhe futbollistët. Ne i kemi lutur ata që mos t’i ndalin stërvitjet dhe të mbesin në kontakt me trajnerin, derisa dikush ta marrë udhëheqjen e klubit”, ka thënë tashmë ish kryetari i klubit, Smajl Rashiti.

Tifozët që zbritën në fushë ishin të mllefosur me faktin se një lojtar i Hajvalisë ishtte shtrirë në fushë dhe sipas tyre, po e zhagiste lojën. Por, tifozët ‘Intelektualët’ e kishin edhe me kryesinë, pasi janë të kënaqur me punën e saj.

Për këtë, Rashiti me shokë vendosën të tërhiqen. Drita e emëroi së fundmi trajnerin e ri, Milaim Zuzaku, pas shkarkimit të Musa Selimit. Ky i fundit e kishte akuzuar kryesinë e deritashme të klubit gjilanas, duke thënë se ajo udhëhiqet nga njerëz jo të duhur, të cilët nuk ia duan të mirën klubit.

Drita nuk e ka nisur dhe aq mirë sezonin e ri në Raiffeisen Superligë. Ndër të tjera, gjilanasit mund ta humbin ndeshjen me Hajvalinë në tavolinë me rezultat zyrtar 0:3./express/