Donald Trump betohet si presidenti i 47-të i Amerikës, fjalët e para të Trump pas betimit: Epoka e artë e Amerikës fillon pikërisht tani

Donald Trump u betua për herë të dytë si president i Shteteve të Bashkuara të Amerikës.Ai po kthehet në Shtëpinë e Bardhë pas fitores bindëse në zgjedhje.

Presidenti Joe Biden dhe zonja e parë Jill Biden mirëpritën presidentin e zgjedhur Donald Trump dhe Melania Trump në Shtëpinë e Bardhë.

“Mirë se erdhët në shtëpi”, i tha Biden Trumpit.Pas një takimi të shkurtër, ata shkuan së bashku në Kongres për ceremoninë e betimit.Trump pritet të mblidhet me stafin dhe anëtarët e Kongresit në dhomën e Presidentit pranë dhomës së Senatit. Aty do t’i bëjë nominimet dhe do t’i nënshkruajë urdhrat e tij të parë ekzekutiv si president.

Presidentët e gjallë amerikanë u mlodhën sot në Kongres për inaugurimin e Trump. Clintonëve, Bushëve dhe Bidenëve iu bashkua vetëm një Obama – Barack – pasi ish-Zonja e Parë Michelle Obama ka vendosur të mos marrë pjesë në këtë ceremoni.

Biden konfirmoi më herët se ka lënë një letër në Zyrën Ovale për paraardhësin dhe pasardhësin e tij, Trump.

Fjalët e para të Trump pas betimit: Epoka e artë e Amerikës fillon pikërisht tani

Presidenti amerikan Donald Trump po e mban fjalimin e tij në ceremoninë e inaugurimit, pasi u betua.

Ai u zotua se do ta vë “Amerikën në vend të parë”.

“Epoka e artë e Amerikës fillon pikërisht tani”, tha Trump në fjalimin e tij inaugurues.

Trump tha se do t’i japë fund armatimit të Departamentit të Drejtësisë.

“Peshorja e drejtësisë do të ribalancohet. Armatimi i egër, i dhunshëm dhe i padrejtë i Departamentit të Drejtësisë dhe qeverisë do të marrë fund”, tha Trump.

Ndihmësit e tij kanë paralajmëruar se fjalimi i Trump do të jetë më pak “masakër amerikane” si në vitin 2017, por do ta pasqyrojë se sa ndryshe po e sheh ai presidencën dhe fuqinë e tij këtë herë.