Dolce and Gabbana dëmtuan Italinë për 1 miliard euro

Dizajnuesit italianë të modës Domenico Dolce dhe Stefano Gabbana janë akuzuar sot për fshehje të tatimit.

Prokurorët pohojnë se ky duet dizajnuesish, bashkë me gjashtë persona të tjerë, ka fshehur tatimin në shumë rreth 1 miliard euro përgjatë disa viteve pas themelimit të kompanisë në Luksemburg (2004), së cilës ia dhanë të drejtën për të gjitha brendet e grupit të tyre, duke i ikur pagesës së tatimit në Itali.

Në prill të vitit 2011, gjykata pati refuzuar ngritjen e aktakuzës në bazë të dëshmive të njëjta, me arsyetimin se bëhet fjalë për “shmangie” e jo për fshehje të tatimit, gjë që nuk paraqet vepër penale.