Doktoresha që nuk heshti në Parlament, por kërkoj autostradë për Anamoravën

Gjilan – Salihe Mustafa ish deputete në Parlamentin e Kosovës ndihet e lumtur që propozimi i saj në mënyrë institucionale dhe para Parlamentit të Kosovës për autostradën në Anamoravë po bëhet realitet. Jam shumë e lumtur sepse po realizohet misioni im dhe i PDK-së shprehet ajo.

Në një interpelancë të Parlamentit të Kosovës të mbajtur në qershor të vitit 2011 ish deputetja nga Gjilani, Salihe Mustafa ishte e para që e shtrojë për diskutim dhe propozim që edhe Anamorava të përfshihet në pjesën e autostradës e cila do ta lidhte edhe Luginën e Preshevës dhe fshatrat shqiptare të Maqedonisë raporton rajonipress.

Mustafa tani shprehet për rajonipress se ndihet shumë e lumtur që ky propozim i saj po jetësohet dhe misioni i saj dhe i PDK-së po realizohet me sukses.

Jo rastësisht për autostradën e kombit Mustafa ishte shprehur “Autostrada jonë – vërtet është një investim i madh, dhe barrë për buxhetin e Kosovës. Po pikërisht pse është kështu ajo është e rëndësishme dhe jo vetëm për këtë. Ne e dimë dhe pajtohemi te gjithë se autostrada që ndërtoi Shqipëria na e ka bërë atë më të afërt, më të bukur dhe zhvillimin tonë më besues e shumë më të mundshëm, edhe në rrafsh integrimi kombëtar”.

Por Salihe Mustafa e kishte një breng tjetër dhe me dom kusht ka insistuar që kjo autostradë të zgjerohet edhe në kufijtë e Anamoravës. “Autostrada që po ndërtohet besoj se ka nevojë edhe për degëzime të tjera dhe lidhje sa më të fuqishme të gjithë Kosovës me Botën përmes Shqipërisë. Unë kam besimin e thellë se ju do të keni parasysh se shtrirja, respektivisht lidhja e kësaj autostrade me një autostradë tjetër drejt Gjilanit, do të lidhte fuqishëm jo vetëm Anamoravën, po edhe Luginën e Preshevës, që shqiptarët atje ta kenë më të lehtë lidhjen me Kosovën, ashtu siç ne tani e kemi me Shqipërinë. Ashtu si Shqipëria ndjeu obligim të na lidhë ne me veten e saj përmes Rrugës së Kombit – ashtu ne kemi obligim ndaj shqiptarëve në Luginë të Preshevës”kishte deklaruar ish deputetja në Parlamentin e Kosovës.

Mustafa kishte thënë se një autostradë drejt Gjilanit do të lidhë edhe qytetet shqiptare në Maqedoni – Kumanovën, Likovën dhe vendbanimet e shumta të të gjithë Karadakut, duke i bërë lidhjet më të fuqishme dhe integrimet mes vëllezërve më të lehta./rajonipress/