Do të lësh duhanin, ha më shumë fruta e perime

Të hash sa më shumë fruta dhe perime, mund t’ju ndihmojë për të ndaluar pirjen e duhanit dhe për të shmangur dëshirën ndaj saj, sugjeron një studim i fundit, i kryer nga Universiteti i Bufalos në SHBA.

Ky është në fakt edhe studimi i parë që vlerëson marrëdhëniet mes konsumimit të frutave dhe perimeve, me zakonin e pirjes së duhanit.

Dr. Gary A. Giovino dhe kolegët tij analizuan mijëra duhanpirës, duke i testuar në lidhje me konsumimin e shumë frutave dhe perimeve, e paskëtaj, rënien e dëshirës për të pirë duhan, transmeton agjencia Noa.

“Ajo që ne nuk dinim ishte se ata që e kishin lënë kohët e fundit duhanin, kishin rritur në fakt konsumin e frutave dhe perimeve”, shpjegon Govino.

Të dhënat e mbledhura kanë treguar me të vërtetë se duhanpirësit të cilët konsumonin më shumë fruta dhe perime, kishin tre herë më shumë gjasa që të abstenonin ndaj pirjes së duhanit, krahasuar me të tjerët.

“Hani më shumë fruta dhe perime, e kështu do të veproni në mënyrë të shëndetshme, pa ju shkuar mendja për cigare”, garanton më tej dr. Jeffrey P. Haibach, bashkautor i studimit.

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).