Ditjon Malaj stoliset me pozitën e dytë në garat ndërkombëtare për njohurit e Gjuhës Angleze në Londër

Nxënësi Ditjon Malaj nga Gjilani, i cili ka kryer klasën e dhjetë ka shkëlqyer në kryeqytetin e Mbretërisë së Bashkuar në Londër, duke përfaqësuar shkollën International School of Prishtina në njohjen e Gjuhës Angleze.

Në këtë manifestim të diturisë kanë marrë pjesë 50 nxënës të kësaj shkolle, ndërsa prezent kanë qenë mbi 23 shtete nga mbarë bota.

Ditjoni për 8 ditë qëndrimi në Londër ka treguar kualitete të larta duke u pozicionuar në pozitën e dytë, në një konkurrencë të jashtëzakonshme të fortë duke i mahnitur me diturin e tij të Gjuhës Angleze. Ditjoni me shumë modesti ka theksuar se kjo garë në Londër ishte spektakulare dhe ndihet tejet krenar me rezultatin e arritur. “Jam shumë i lumtur që kam arritur të përfaqësoj shkollën tonë dhe shtetin e Kosovës, ishte një privilegj i jashtëzakonshëm të arrishë një rezultat të tillë duke qenë pjesëmarrëse rreth 23 shtete nga mbarë bota. Jam shumë krenar edhe për shokët dhe shoqet e mia që kanë treguar dije dhe kulturë të lartë në çdo takim që kemi pasur”.

Nxënësi Ditjon Malaj është mjaft i emocionuar dhe krenar dhe gjithë këtë sukses ia dedikon familjes së tij. “Pa ndihmën e familjes sigurisht nuk kisha mundur të arrijë këtë sukses, ata më kanë përkrahur në çdo hap timin dhe këtë sukses ia dedikoj familjes dhe shtetit tim Republikës së Kosovës”./rajonipress/