Dita vendimtare për transferimin e Kristjan Asllanit te Interi

Interi është në bisedime të avancuara për të nënshkruar me Kristjan Asllanin nga Empoli dhe Nerazzurrët pritet të finalizojnë sot (e mërkurë) marrëveshjen.

20-vjeçari shënoi një gol në 23 paraqitje në Serie A sezonin e kaluar dhe është shfaqur si objektivi kryesor i Interit për t’u bërë rezerva e Marcelo Brozovic në sezonin 2022/23.

Sipas La Gazzetta dello Sport dhe Calciomercato.com, drejtorët e Interit dhe Empolit do të mbajnë një takim vendimtar sot gjatë ditës.

Dy klubet kanë një marrëveshje në parim për tarifën e transferimit të lojtarit, por duhet të gjejnë formulën e duhur për marrëveshjen.

Toskanët po bëjnë presion për një shitje të përhershme, ndërsa Interi kërkon një lëvizje huazimi me një opsion ose detyrim blerje, të lidhur me objektivat e lojtarit dhe klubit. Tarifa e transferimit besohet të jetë midis 12 dhe 15 milionë eurosh.

Zhang a Milano: inizia il futuro dell’Inter. Oggi è il giorno del colpo Asllani https://t.co/tJkUHZ7MxC

— La Gazzetta dello Sport (@Gazzetta_it) June 15, 2022

Interi është i hapur për të dërguar një nga yjet e tyre në huazim si pjesë e marrëveshjes dhe Martin Satriano është lojtari që Empoli dëshiron të përfshijë në negociata.

Andrea Pinamonti iu bashkua toskanëve në një marrëveshje të përkohshme nga Interi sezonin e kaluar dhe pati sezonin e tij më të mirë në Serie A, falë 13 golave ​​të tij në 36 paraqitje. /Telegrafi/

Shpërndaje.
© RAJONIPRESS