Dita e mjedisit shënohet edhe në Gjilan

Gjilan – Për nder të ditës së mjedisit (5 qershori), OJQ “Agro Eko” në bashkëpunim me Komunën e Gjilanit kanë marrë pjesë në pastrimin e ambienteve të papastra në qytet.

“Agro Eko” e përkrahur nga Drejtoria e Inspeksionit , dhe financuar nga ambasada Amerikane dhe KRM-Higjiena, të ndihmuar nga nxënësit e të gjitha shkollave fillore kryesisht të klasëve të nënta për nder të 5 qershorit, ditës ndërkombëtare të mjedisit kanë organizuar aksionin për pastrimin e ambientit në lokacionin Dardania.

Shahadije Rexhepi nga “Agro Eko” tha se në aksion kanë marrë pjesë ekologët e shkollave fillore të Gjilanit ndërsa pastrimi është bërë kryesisht rreth vendeve të papastra dhe përreth lumit Mirusha.

Rexhepi tha se është e kënaqur me pjesëmarrjen e të rinjve në aksion dhe tha se aksione të tilla do të organizohen edhe muajve në vijim.

Edhe Ruzhdi Rashiti inspektor i ambientit tha se aksionet e tilla kanë shumë domethënie për komunën.”Kjo tregon se të rinjtë e duan ambientin e pastër dhe të shëndoshë. Me këtë moto komuna gjithmonë do të ndihmojë organizimet e tilla” tha Rashiti./rajonipress/

Shpërndaje.
© RAJONIPRESS