Diskutohet propozim – rregullorja për barazi gjinore

Gjilan – Grupi komunal i grave në Kamenicë në bashkëpunim me zyrtaren për barazi gjinore Teuta Kastrati, kanë organizuar një debat publik me qytetarë për të diskutuar draft rregulloren komunale për barazi gjinore .

Debati publik u ndoq nga përfaqësuesja e njësisë komunale për të drejtat e njeriut, përfaqësues të shoqërisë civile, qytetarë, zyra ligjore komunale, delegate të kuvendit dhe përfaqësuesve të grupit të grave.

Gjatë debatit, pjesëmarrësit patën mundësinë të adresojnë pyetjet dhe propozimet tek zyrtarja e barazisë gjinore e cila ka bërë prezantimin e draft-rregullores.

Kjo rregullore do t’i dorëzohet zyrës ligjore dhe pastaj do të procedohet në mbledhjen e komitetit për politikë dhe financa dhe në mbledhjen e kuvendit komunal për shqyrtim dhe aprovim./rajonipress/