Diskutohen caqet e përgjithshme të të hyrave vetanake

Gjilan – Naser Hashani tha se gjatë planifikimit të buxhetit për vitin 2013, do të ketë fleksibilitet në planifikimin e të hyrave vetanake nëpër kategoritë ekonomike ( duke përjashtuar kategoritë ekonomike paga dhe mëditje).

S`i pjesë e Seksionit për Qeverisje lokale “Mbështetja qendrore – dialogu lokal për ushtrimin efektiv të kompetencave komunale” projektit në Kamenicë, Ekipi Komunal i OSBE-së ka organizuar një punëtori komunale në përgatitjen e procesit buxhetor me kuvendin komunal dhe anëtarët e komitetit për politikë dhe financa.

Zyrtari kryesor financiar Naser Hashani, ka thënë se qarkorja interne është përcjellur në të gjitha drejtoritë komunale dhe Kryetarit të komunës. KAB-i është dokument i nivelit të lartë strategjik komunal, i cili paraqet vendimet komunale lidhur me caqet e përgjithshme të të hyrave vetanake dhe shpenzimeve, si dhe mënyrën se si do të bëhet ndarja në mes të kategorive kryesore ekonomike për të përmbushur strategjinë zhvillimore afatmesme.

Ai tha se gjatë planifikimit të buxhetit për vitin 2013, do të ketë fleksibilitet në planifikimin e të hyrave vetanake nëpër kategoritë ekonomike ( duke përjashtuar kategoritë ekonomike paga dhe mëditje).

Gjatë seminarit, në mesin e pjesëmarrësve në këtë punëtori është diskutuar procesi i buxhetit komunal linja buxhetore 2012 (në krahasim me vitin 2011), dhe korniza afatmesme 2013-2015.

Përveç kësaj, diskutimet e hapura rreth procesit të buxhetit komunal dhe konsultimeve publike u zhvilluan, ku u njoftuan më gjerësisht të pranishmit. /rajonipress/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).