Disa herë pa patentshoferi: 9 muaj burg kosovarit

Rrugës për në seancën gjyqësore që do të mbahej ndaj një kosovari për ngasje pa leje të automjetit, policët hetues takojnë në autostradën A3 sërish kosovarin e njëjtë duke vozitur makinën e tij.

Ai gjatë viteve të kaluara ishte paditur disa herë për veprën e njëjtë, ngasje pa patentshoferi. Herën e (para)fundit kjo kishte ndodhur në prill të këtij viti.

Dhe tash, për koincidencë atë e kontrollon sërish po ai polic i cili atë ditë ishte i ftuar për të dëshmuar në gjykatë për rastin e kaluar të kapjes së kosovarit pa patentë, transmeton albinfo.ch.

Pas padisë së bërë sërish për vozitje pa leje, u caktua me procedurë të shkurtë termini gjyqësor i radhës.

Gjyqtari, duke e cilësuar si të “pandreqshëm”, e dënoi kosovarin për deliktin e kryer në prill, me 9 muaj heqje lirie.