Disa arsye pse duhet ta konsumoni trangullin

Lëvorja e trangullit është jashtëzakonisht e pasur me vitaminë C, prandaj është e rekomandueshme që të mos qërohet, por të konsumohet me të, por vetëm në qoftë se jeni i sigurt se nuk është spërkatur me pesticide.

Shfrytëzoni përparësitë e sezonit të trangujve duke i konsumuar për çdo ditë, sepse, përveç në zvogëlimin e rrezikut të kancerit, hidratojnë trupin dhe eliminojnë toksinat në trup. Ju paraqesim disa arsye pse duhet të konsumoni trangullin.

– Hidraton trupin dhe eliminon toksinat: Trangulli është hidratues i shkëlqyer për lëkurën, sepse 95 për qind e trangullit përbëhet nga uji, si dhe përmban vitamina të cilat janë të nevojshme në baza ditore për trupin tonë. Lëvorja e trangullit është jashtëzakonisht e pasur me vitaminë C, prandaj është e rekomandueshme që të mos qërohet, por të konsumohet me të, por vetëm në qoftë se jeni i sigurt se nuk është spërkatur me pesticide.

– Përmirëson tretjen dhe redukton kilogramët: Trangulli përmban pak kalori për shkak se është përplot ujë dhe në këtë mënyrë paraqet një mbështetje ideale ushqyese për ata që duan të humbin peshë. Dietologët këshillojnë përdorimin e trangujve në të ushqyerit e përditshëm, kështu që mund të bëni supë, sallatë ose ta përzieni me kos. Fibrat nga trangulli ndihmojnë tretjen, kurse kjo është një arsye më shumë pse duhet t’i adhuroni më tepër.

– Shëron sytë: Priteni një copë të trangullit të ftohtë dhe e vendosni në zonën e syve. Kjo do të ndihmojë në qoftë se sytë janë të fryrë ose nëse i keni të theksuara qeskat e syve.