Dialog për ridefinimin e asociacionit

Kryeministrat e Kosovës dhe Serbisë, Hashim Thaçi e Ivica Daçiq, nën ndërmjetësimin e baroneshës Catherine Ashton do të takohen të enjten në Bruksel. Takimi që është i pari pas përmbylljes së procesit të votimeve për zgjedhjet lokale, nuk pritet të jetë i lehtë.

Të dy kryeministrat do të flasin për fuqinë që do të ketë asociacioni i komunave serbe. Asociacionin, Serbia e quan bashkësi dhe e sheh si një qeveri e serbëve të Kosovës, derisa Prishtina e sheh vetëm si një OJQ të komunave me shumicë serbe që ka për qëllim thithjen e donacioneve ndërkombëtare.

Në Bruksel, të enjten sipas burimeve të gazetës sërish do të diskutohet çështja e lënë anash e integrimit të pjesëtarëve serbë nga strukturat ilegale në Policinë e Kosovës, funksionimi i gjykatave në veri si dhe i doganave…(Tribuna).