Dhunë në familje në Gjilan, burri sulmon fizikisht bashkëshorten

Gjilan – Një rast i dhunës në familje është raportuar mbrëmjen e së shtunës në Gjilan, ku një person dyshohet se ka ushtruar dhunë fizike ndaj bashkëshortes së tij pas një mosmarrëveshjeje.

Sipas burimeve zyrtare, i dyshuari mashkull ka sulmuar fizikisht viktimën femër, megjithëse nuk janë raportuar lëndime trupore si pasojë e incidentit. Gjatë ndërhyrjes së autoriteteve, është konstatuar se i dyshuari ishte nën ndikimin e alkoolit, me 0.47 promila.

Pas intervistimit nga organet kompetente dhe me vendim të prokurorit, i dyshuari është dërguar në mbajtje për 48 orë.

Rasti është duke u hetuar nga autoritetet përkatëse njoftoi policia e Kosovës./rajonipress/