Dështon Rezoluta e LDK-së dhe VV-së për vizat

Deputetët e Kuvendit të Kosovës nuk miratuan rezolutën e dy partive opozitare, Lidhjes Demokratike të Kosovës dhe Vetëvendosjes lidhur me dështimin e liberalizimit të vizave për Kosovën.

Me 40 vota pro, 1 kundër dhe 1 abstenim, deputetët nuk miratuan Rezolutën e propozuar nga dy partitë opozitare.

Shefi i Grupit parlamentar i LDK-së, Avdullah Hoti tha se për këtë rezolutë nuk ka harmonizim të qëndrimeve të partive parlamentare, megjithatë kërkoi që Rezoluta të hidhet në votim.

Ndryshe, të martën u mbajt një seancë e jashtëzakonshme e kërkuar nga LDK dhe VV lidhur me dështimin për liberalizimin e vizave për Kosovën.

Në këtë seancë u vendos që Rezoluta për këtë çështje të hidhet në votim në seancën e sotme.

LDK dhe VV kishin propozuar për miratim në Kuvend këtë Rezolutë:

Forcat politike parlamentare të ulen në tryezën e bisedimeve për të dakorduar agjendën për krijimin e institucioneve të reja përmes zgjedhjeve të lira dhe demokratike.
Pas këtij dakordimi, Qeveria e Kosovës të dorëhiqet dhe Kuvendi të shpërbëhet për t’i hapë rrugë formimit të institucioneve të reja.
Forcat politike të dakordohen që gjatë kësaj periudhe të mos dëmtohen proceset e rëndësisë nacionale, duke u siguruar që të adresohen çështjet më urgjente para se të shpërbëhet Kuvendit, para së gjithash votimi i pakos së ligjeve për ushtrinë. /Telegrafi/

Shpërndaje.
© RAJONIPRESS

Vërejtje!

RajoniPress.com nuk do të botojë shkrime që nuk i përmbushin kriteret dhe standardet profesionale të gazetarisë bashkëkohore. Nuk do të ketë për askënd mbyllje apo censurë, por jemi të fokusuar që në këtë agjenci, lajmi, shkrimi, raporti, intervista dhe opinioni të plotësojnë kriteret profesionale. Gjithashtu opinionet, analizat, komentet, nuk duhet të shkelin parimet etike (gjuhën e urrejtjes, fyerjet, diskriminimet e çfarëdoshme).