Dëshmori i kombit Ismajl Ismajli tani e 22 vite i bën dritë Kosovës e fshatit Kopërnicë

Kamenicë – Nën masat e rrepta të pandemisë Covid-19, sot në fshatin Kopërnicë është përkujtuar me dhimbje e krenari dëshmori i kombit, Ismajl Ismajli, i cili para 22 vitesh ra në altarin e lirisë për të mos vdekur kurrë.

Sot në fshatin Kopërrnicë ishin mbledhur familjarët e fshatarët për ta kujtuar veprën madhështore të flakadanit të lirisë, prof.Ismajl Ismajlit, i cili pikërisht me 11 maj 1999 u vra nga dora ushtarake policore e paramilitare Serbe. Kalojnë vite e dekada, ndërsa kujtimi për dëshmorin Ismajl Ismajli mbetet i freskët në zemrat tona por edhe në historinë e kombit shqiptarë për ta skalitur emrin e tij me shkronja të lirisë për atdheun e quajtur Kosovë.

Kujtimi për dëshmorin Ismaj Ismajli dhe të gjithë dëshmorëve tjerë nuk shuhet kurrë, ata janë udhërrëfyesit tanë për shekuj të tërë. Sot bëhen plot 22 vite nga rënia heroike e dëshmorit Ismaj Ismajli, ai jeton me ne, i kemi përgjithmonë kujtimet e tija se si duhet e çmohet liria. Ismaj Ismajli shpesh thoshte,”Liria ndërtohet me jetëra të rënësh, ndërtohet me gjak, ndërtohet me dëshmorë ndërtohet duke zmbrapsur armikun shekullor, dhe nëse vdes për popullin tim asnjëherë një pikë lot mos ë e derdhni se ai gjak i derdhur është i lirisë”.

Në tubimin përkujtimor të 22 vjetorit të rënies së dëshmorit Ismajl Ismajli, vëllau i Ismajlit, Selatin Ismajli, ka falënderuar të gjithë pjesëmarrësit si dhe institucionet e Kamenicës për pjesëmarrjen e tyre në këtë jubile. Trupi i dëshmorit Ismaj Ismajli sot bën roje në fshatin Kopërnicë si “gardian“ i lirisë në lapidarin e tij për të mos e harruar kurrë për gjakun e derdhur, ndërsa ne sot po jetojmë në liri nga ky gjak i lirisë./rajonipress/