Deponitë ilegale të mbeturinave inerte, shqetësuese për banorët vitias

Viti – EVSB, vlerëson se krijimi i deponive ilegale të mbeturinave, është bërë një dukuri shqetësuese dhe e pa pranueshme për banorët Vitias.

Në rrugën e fshatit Binçë, pran lumit Morava, janë hedhur gjësende të ndryshme, por veçmas vërehen dritare të shtëpive, dhe qelqe (xhama) të thyera.

Në këtë pjesë tani e një kohë të gjatë janë larguar mbeturinat nga institucionet Komunale, por disa nga banorët nga pakujdesia e tyre, dhe nga pa përgjegjësia prapë po i hedhin në këtë lokacion.

Kërkojmë nga banorët, që së bashku të kujdesemi për një mjedis të pastër dhe të mos krijojmë pika të reja të grumbullimit të mbeturinave, sepse mund të përhapin epidemi me mundësi të shfaqjeve të problemeve shëndetësore.

Grumbullimi i mbeturinave pa planifikim, bartë rreziqe të ndryshme, jo vetëm në aspektin ekologjik, por edhe shëndetësor, pasi që si pasojë e këtyre mbeturinave, kanosemi edhe nga epidemi të tjera dhe krijojmë kushte edhe për grumbullimin e qenve endacak.

EVSB, ka siguruar fotot nga vend ndodhja, duke falënderuar qytetarët për bashkëpunimin me EVSB-në, andaj apelon tek banorët e asaj pjese, që mos të hedhin gjëra të tilla siç duken në foto, sepse do të identifikohen dhe do të marrin dënimin e merituar!

EVSB-kërkon nga drejtoria përkatëse që të del në vend ndodhje, dhe të bënë largimin e këtyre gjë sendeve thuhet në reagimin e Koordinatorit të EVSB-së, për Komunën e Vitisë, Imri Emërllahu./rajonipress/