Dëmtimi i Mitajt shqetëson Sylvinhon, alternativa për krahun e majtë të mbrojtjes vjen nga Superiorja

Teksa vetëm dy javë na ndajnë nga grumbullimi i Kombëtares shqiptare për dy sfidat e para të Kualifikueseve të Botërorit 2026, Sylvinho ka nisur nga puna për përzgjedhjen e lojtarëve që do të jenë në dispozicion për takimet me Anglinë dhe Andorrën.

Lista e dëmtimeve është e gjatë, ku brenda saj ndodhet dhe Mario Mitaj, i cili nuk luan me Al-Ittihad që prej 1 shkurtit. Ende nuk dihet nëse 21-vjeçari do të arrijë të rikuperohet në kohë, kështu që tekniku brazilian ka filluar të mendojë për opsionet.

Përflitet se një alternativë vjen nga Superiorja. Bëhet fjalë për Naser Alijin, i cili ishte pjesë e Shqipërisë në Europianin “Gjermani 2024”, në të cilin nuk u aktivizua asnjë minutë.

Ranger Sees Strange Creature On Riverbank. He Says, ‘Oh My God,’ When He Realizes What It Really Is

Aliji është paraqitur mirë me Dinamo Cityn këtë sezon në elitën e futbollit shqiptar dhe eksperienca e tij me Kombëtaren duket se është e mjaftueshme për Sylvinhon që t’i çojë një ftesë 31-vjeçarit.

Shqipëria do të ndeshet me Anglinë në “Wembley” më 21 mars dhe tre ditë më vonë do të presë Andorrën në Tiranë.