Demolli: Në veri të ketë edhe kandidatë shqiptarë

Deputeti i Lidhjes Demokratike të Kosovës (LDK), Haki Demolli, në një prononcim për Telegrafin ka deklaruar se nuk është mirë qe Beogradi të ndërhyjë në Kosovë, duke iu treguar serbëve se si të dalin në zgjedhje – me listë të përbashkët apo të veçantë.

Kryeministrit Thaçi ka thënë se është optimist që marrëveshja për Energjinë dhe Telekomunikacionin do të arrihet në takimin e ardhshëm me palën serbe, i cili do të mbahet më 27 gusht në Bruksel.

“Kosova shkon e përgatitur në takim, duke respektuar plotësisht të gjitha vendimet kushtetuese të Kosovës. Pra, ka mbetur që të përmbyllet edhe formalisht marrëveshjet për telekomunikacionin dhe energjinë, pasi sa i përket Kosovës dhe BE-së janë të përmbyllura, gjithashtu edhe sa i përket disa përkushtimeve tjera. Besoj se do të vazhdojë implementimi sipas agjendës së paraparë. Implementimi i marrëveshjes është jetik.”, ka theksuar ai.

Ndërkohë pas takimit që kryeministri do të zhvilloj në Bruksel, do të vazhdoj për në New York, ku do të merr pjesë në prezantimin e gjithë këtij procesi, por edhe progresit të arritur në Kosovë, në mbledhjen e Këshillit të Sigurimit të OKB-së, që do të mbahet më 27 të këtij muaji.