Dekoratat e Gjilanit

Nga Demir Krasniqi- Kur një artist populli , kështu dekorohet –Herët , apo vonë , dikush do t’ turpërohet !

Për punën që bëra ndër shumë gjenerata –
Gjilani më nderoi me shumë dekorata !

Për kontributin që dhashë mbi katër dekada –
Gjilani më dekoroi me shumë barrikada !

Për nxënësit që iu dhashë çdo gjë pedagogjike –
Gjilani më dekoroi me titullin: “Tepricë teknologjike “!

Për këtë popull që u dogja si brumi nën saç –
Gjilani më dekoroi me titullin: “Artist rrugaç “!

Për këtë popull që punova tërë jetën nën dhunë –
Gjilani më dekoroi me titullin:“Artist i pa punë ”!

Për këtë popull që i këndova gjithmonë nën presion –
Gjilani më dekoroi me titullin: “Artist pa pension “!

Për këtë popull që punova me shpirt e dëshirë –
Gjilani më dekoroi me titullin: “Artist nën mëshirë!”

Për këtë popull që i këndova trimat legjendarë –
Gjilani më dekoroi me titullin: “Artist lypsar “!

Për këtë popull që i këndova luftëra edhe gjak –
Gjilani më dekoroi me titullin: “Artist endacak “!

Për këtë popull që i këndova faqet e historisë –
Gjilani më dekoroi me titullin: “Artist i çarshisë “!

Për këtë popull që i këndova heronjtë kombëtarë –
Gjilani më dekoroi me titullin: “Artist mëkatarë “!

Kur një artist populli , kështu dekorohet –
Herët , apo vonë , dikush do t’ turpërohet !

Gjilan, më 16 . 08.2012.

Shpërndaje.
© RAJONIPRESS