Deda: Ne po sillemi sikur SHBA dhe krejt bota na kanë borxh

Analisti politik Ilir Deda ka thënë në Rubikon të Klan Kosova se Kosova ka shkuar deri në atë shkallë të çmendurisë, saqë sipas tij, ajo po mendon se ShBA-të dhe bota i kanë borxh.

“Ne po sillemi sikur Amerika na ka borxh, domethënë aq është çmendur Kosova, saqë mendon se krejt bota diçka i ka borxh”, tha Deda .

Deda ka shtuar tutje se Kosova nuk është ende 100 për qind e konsoliduar dhe se për një pjesë të botës jemi territor problematik.

“Hapat në krijimin e qeverisë së ardhshme, apo në moskrijimin e qeverisë së ardhshme, kanë me e tregu se sa është Kosova me të vërtetë e qëndrueshme. Ne jemi vendi i vetëm në botë që nuk jemi shtet 100 për qind i konsoliduar ndërkombëtarisht, për gjysmën e botës ne jemi territor problematik”. – tha ai.