Deda: Mos paçim vit si ky

Deputeti i Lëvizjes Vetëvendosje, Ilir Deda, në urimin e tij për Vitin e Ri, ka thënë se shpreson që të “mos kemi më vite si ky që po përfundon”.

Ai në një postim në Facebook ka uruar Vitin e Ri 2016, për të cilin shpreson që të jetë vit kthese, mundësie dhe ndryshimi në Kosovë.

“Miq të nderuar, pranoni dëshirat më të mira për Vitin e Ri 2016. Le të jetë vit i përmbushjes dhe sukseseve për çdonjërin, me shëndet e gëzime. Mos paçim më vite si ky që po përfundon, 2016 të bëhet vit kthese, mundësie dhe ndryshimi në Kosovë. Gëzuar!”, ka shkruar ai në Facebook.