Hidromorava

Dëbohet nga Gjermania bashkë me vajzën 6 vjeçe

/ 2 minuta lexim
ARKATANA

Vajza e Jeton Dudës, Shiretja, e lindur në Gjermani, po mendonte se po e zgjonin për ta dërguar në shkollë.

Jeton Duda, 26 vjeçar, i lindur në Ferizaj, jetonte në Gjermani (Wermelskirchen) që nga viti 1990. Ai ishte i integruar në vendin ku jetonte dhe nuk merrte ndihma sociale. Megjithatë, dje, kur ai në orën 2.30 pas mesnatës kthehet nga puna, në hyrje të banesës e presin policët dhe nëpunësit e zyrës për të huaj.

Pa e zgjatur shumë ata ia vënë prangat dhe bashkë me vajzën 6 vjeçe, Shireten, e përcjellin menjëherë në aeroport. Vajza e lindur në Gjermani dhe që kurrë më parë nuk kishte qenë në Kosovë, po mendonte se po e zgjonin për ta dërguar në shkollë, thotë për mediet gjermane motra e Jetonit, Afërdita, duke iu referuar prindërve të saj Limanit dhe Xhevrijes që kishin qenë dëshmitarë të ngjarjes.

Uji Dea

Dëbimi i Jetonit vjen si pasojë e një rrahjeje në të cilën ai qe përfshirë para 4 vitesh. Për lëndimin trupor që kishte shkaktuar, ai qe dënuar me 8 muaj me kusht. Dhe, një dënim i tillë, me rregullat e reja, mjafton për dëbim të personave me prejardhje të huaj.

Sipas ligjit, cilitdo që dënohet me gjobë prej më shumë se 50 njësish ditore, nuk do t`i vazhdohet ose jepet e drejta e qëndrimit në Gjermani, thotë një zëdhënës i policisë së regjionit.(albinfo)