Dëbohet familja shqiptare, edhe pse iu lindi një djalë në Gjermani

Mentor Hajrullahi thotë se nga Shqipëria ka ikur për shkak të hakmarrjes, derisa në Gjermani i kishte lindur një djalë, por megjithatë, ai është dëbuar.

Gjermania po i dëbon të gjithë refugjatët nga Ballkani, vende që janë të regjistruara të sigurta dhe nuk merret parasysh kërkesat apo problemet e tyre.

Mentor Hajrullahi është ulur në një livadh afër rrugës duke pritur autobusin e lokal, që do ta sjellë atë përsëri në hotelin e tij në afër të fshatit Ingolstadt, shkruan donaukurier.de

Shqiptarët kishin një takim në Kazermën Oberstimmer, ku ishin strehuar në tre muajt e fundit.

Mentorit i kishte lindur një djalë. Por, kjo për Qeverinë nuk merret parasysh, transmeton albinfo.ch. Kërkesa e tij është refuzuar. Ai tashmë duhet të presë gruan dhe djalin e tij, pasi policia i ka ftuar që të largohen të gjithë në të njëjtën kohë.

Gjatë gjithë kësaj periudhe ai thotë se ka jetuar me stres, duke pritur policinë nëse do të vijnë sot apo nesër. “Nëse unë nuk do të kisha probleme, do të qëndroja në Shqipëri”, thotë ai. Mentori thotë se është larguar për shkak të hakmarrjes, por autoritet gjermane nuk e besojnë këtë.

Inglostadt gjithashtu ka qenë ndër rajonet e prekura me kërkesat për azil, por tashmë numri i refugjatëve po pakësohet, sidomos me familje nga Kosova dhe Shqipëria, pasi këto vende cilësohen si të sigurta.

http://www.albinfo.ch/debohet-familja-shqiptare-edhe-pse-iu-lindi-nje-djale-ne-gjermani/