De Biasi: Ja me çfarë rezultati mposhtim Spanjën

Gianni de Biasi ka thënë se pozita e tretë në grup do të ishte arritje e madhe. Përzgjedhësi i Shqipërisë, Gianni de Biasi ka deklaruar se objektivi real i kuqezinjve në këtë edicion të eliminatoreve të Botërorit 2018 është vendi i tretë në grup.

Në një intervistë të dhënë për ‘Ora News’, ai e cilëson këtë pozicionim të mundshëm si një “super-rezultat”, ndërsa i ka ftuar të gjithë të qëndrojnë me këmbë në tokë pasi rrugëtimi i Shqipërisë është vështirë.

Ai po ashtu foli edhe për ndeshjen me Spanjën, ku tha se do t’i mposhtin 1:0.

“Me Spanjën do të bëjmë lojën tonë, do të vendosim Murin e Berlinit para portës, i bëjmë kundërsulmin dhe 1:0 për ne”, tha trajneri duke qeshur. /Express/